Bank kartından pul oğurlayan şəxslər saxlanılıb

Bank kartından pul oğurlayan şəxslər saxlanıldı.

“Ulusum”.az xəbər verir ki, bu barədə DİN-in mətbuat xidmətindən məlumat verilib.

Paytaxtın Xəzər rayonu ərazisində bir nəfərin bank kartından 2310 manat oğurlanması barədə polisə məlumat daxil olub.
Polis əməkdaşlarının keçirdikləri tədbirlərlə oğurluq əməlini törətməkdə şübhəli bilinən 22 yaşlı S.Hüseynov müəyyən olunaraq saxlanılıb. Sumqayıt şəhərində də analoji hadisə baş verib. Qadına məxsus iki ədəd bank kartından ümumilikdə 791 manat talamaqda şübhəli bilinən 19 yaşlı S.Şıxıyev saxlanılıb.

Faktlarla bağlı araşdırma aparılır.