"Hansı erməni kəndlərindən danışırsınız?" EKSKLÜZİV

Artıq erməni xalqı da qəbul edir ki, illərdir yaşadıqları ərazilər Azərbaycanın əzəli torpaqlarıdır.

Ulusum.az saytı erməni mətbuatına istinadən xəbər verir ki, Tavuş bölgəsində yaşayan kənd sakini Azərbaycanla sərhədin delimitasiyasına başlamaq qərarını birmənalı dəstəkləyib. “Hər şeyə görə müxalifət günahkardır, niyə 30 ildir ki, keçmiş hakimiyyət bizim həyatımızla maraqlanmayıb, amma bu gün onlar Voskeparı xatırlayıblar?" – ritorik sual verdi

Voskepar sakini vurğulayıb ki, delimitasiya sərhəd kəndlərinin əhalisinə Azərbaycanla düşmənçilikdən qorxmadan sakit həyat sürməyə imkan verəcək.

"Bizim heç vaxt öz torpaqlarımız olmayıb. 30 ildən artıq Azərbaycan kəndləri olan Bağanıs Ayrum, Yuxarı Əskipara, Aşağı Əskipara, Xeyrimli bizim əlimizdə olub. Biz onların torpaqlarından istifadə etdik. Hansı erməni kəndlərindən danışırsınız? Artıq 77 yaşım var və yaxşı bilirəm ki, bu kəndlər Azərbaycanındır”.

Kənd sakini millətçilərin sərhədin delimitasiyası ilə bağlı insanlara necə yanlış məlumat verməsindən də danışıb. “Bu yaxınlarda “Ermənistan” blokundan olan müxalifət deputatları və daşnaklar “Voskepar”a getməyə başladılar, vəziyyəti gərginləşdirirlər.

Rəşad Ələkbərov