Bayram tətilindən geri qayıdanlar...

Tətilə gedənlər geri qayıdırlar!

9 günlük Qurban bayramının bitməsinə saatlar qalmış istirahət edənlər dönüş səfərinə başlayıblar. Tekirdağ-İstanbul yolunda uzun avtomobil növbələri yaranmağa başlayıb. Digər tərəfdən, İstanbul-İzmir magistralının Bursa hissəsində İstanbul və ətraf vilayətlərə qayıdan tətilçilərin maşınları səbəbindən sıxlıq müşahidə edilir.

Ulusum.az Türkiyə mətbuatına istinadən bildirir ki, Qurban bayramını Trakya və Çanaqqalanın turizm bölgələrində keçirən tətilçilər son gün Tekirdağdan İstanbula qayıdarkən uzun avtomobil növbələri yaradıblar.
Doqquz günlük Qurban bayramını Trakya, Saros körfəzi və Çanaqqalanın turizm bölgələrində keçirənlər bayramın son günündə nəqliyyat sıxlığına səbəb olub.

Tətil günlərinin bitməsi ilə əlaqədar bu gün günortadan sonra Tekirdağdan İstanbula nəqliyyat vasitələrinin sıxlığı artmağa başlayıb.
Marmaraereğlisi səmtində və şəhər mərkəzində, xüsusilə İstanbulun Silivri mahalı ilə Tekirdağın sərhədindəki Çorlu qovşağında avtomobil növbələri bəzən 3 kilometrə çatır.
Axşam saatlarında sıxlığın daha da artacağının gözlənildiyini bildirən səlahiyyətlilər, Çanaqqaladan gələn və İstanbula gedən sürücülərin sıx olmayan TEM şossesindən Çorlu mahalı, eləcə də Tekirdağ şəhər mərkəzindən istifadə edə biləcəklərini qeyd ediblər.

Aymirə Ağamirova