Sertifitaktlaşdırma ilə bağlı komissiya yaradıldı - İyulun 30-na kimi....

Təkrar sertifikatlaşdırmanın nəticələrinə dair müraciətlərə baxılması məqsədilə komissiyalar yaradılıb.

Qazax-Tovuz Regional Təhsil İdarəsindən Ulusum.az-a bildirilib ki, idarənin aparatında və rayon təhsil sektorlarında təkrar sertifikatlaşdırmanın nəticələrinə dair müraciətlərə baxılması məqsədilə komissiyalar yaradılıb.

Məlumata əsasən, komissiyaların fəaliyyəti təkrar sertifikatlaşdırma imtahanında keçid balını toplamayan təhsilverənlərlə işin təşkili, onların sosial statuslarının mərhələli şəkildə qiymətləndirilməsi və alternativ iş yeri ilə təmin olunmalarının araşdırılmasından ibarətdir.
İdarənin məlumatına görə, qeyd olunan komissiyalara müraciət etmək üçün vətəndaşlar iyul ayının 30-na kimi Çağrı Mərkəzinə (146-0-8) zəng etməklə qeydiyyatdan keçə bilərlər.

Təkrar sertifikatlaşdırma prosesi ilə bağlı apellyasiya müraciətlərinin qəbulu 10–13 iyun tarixlərində aparılacaq.

Müəllimlər müraciətlərini portal.edu.az platformasının “Sertifikatlaşdırma” bölməsinə daxil olmaqla ünvanlaya bilərlər.

Aymirə Ağamirova