Respublikanın bu şəhər və rayonlarında sarı xəbərdarlıq elan edildi

Sabah ölkə ərazisində gözlənilən küləkli hava şəraiti ilə bağlı sarı xəbərdarlıq edilib.

Bu barədə Ulusum.az-a Milli Hidrometeorologiya Xidmətindən məlumat verilib.

Sinoptiklərin gəldiyi qənaətə görə, Şərur, Şahbuz, Culfa, Ordubad, Cəlilabad, Salyan, Neftçala, Biləsuvar, Hacıqabul, Goranboy, Daşkəsən, Ağdam, Tərtər, Bərdə, Şəki, Qax, Zaqatala, Göygöl, Gəncə, Naftalan, Mingəçevirdə sarı xəbərdarlığa uyğun olaraq küləyin sürəti arabir 13.9-20.7 m/san olacaq.

Ölkə ərazisində küləkli hava şəraiti iyunun 10-dək fasilələrlə müşahidə olunacaq.