Bir gündə 4 nəfəri ildırım vurdu: 3-ü öldü

Ötən gün qərb bölgəsində şuddətli ildırım çaxması faciəyə səbəb olub.

Belə ki, Şəmkirdə 61 yaşlı kişini ildırım vuraraq öldürüb.

Ulusum.az xəbər verir ki, hadisə rayonun Yeni Həyat kəndində baş verib.

Kənddə çobanlıq edən 1963-cü il təvəllüdlü Musayev Züriyyət Əli oğlunu ildırım vurub.

O, hadisə yerində dünyasını dəyişib.

Şəmkir rayonun Zəyəm kəndində isə qadını ildırım vuraraq öldürüb. Şəmkir rayon sakini, D.Qurbanova ildırım vurması nəticəsində aldığı xəsarətlərdən həyatını dəyişib.

Hər iki faktla bağlı araşdırma aparılır.

Xatırladaq ki, ötən gün ərzində Qərb bölgəsində ildırım vurması nəticəsində daha bir nəfər ölüb, bir nəfər isə ağır xəsarət alıb.