Naşı Qalstanyanın xunta niyyəti

Erməni keşiş Baqrat Qalstanyan siyasətdə naşı olduğunu və başından hündürə tullanmaq istədiyini bir daha biruzə verdi.

Bunu Ulusum.az-a açıqlamasında Atlas Araşdırmalar Mərkəsinin rəhbəri, politoloq EDlxan Ş,ahinoğlu açıqlayıb:
"Qalstanyan keşiş jurnalistlərdən birinin “hökumət erkən seçkiyə qərar verərsə münasibətiniz necə olacaq” sualına belə cavab verib ki, bu məsələni nəzərdən keçirmirlər.
Necə yəni nəzərdən keçirmirsiz? Bəs onda baş nazir Nikol Paşinyanı necə hakimiyyətdən uzaqlaşdırmaq istəyirsiniz? Adətən müxalifət hakimiyyətin istefasını tələb edəndə paralel olaraq erkən seçkilər tələb edir",-deyə politoloq şərh edib.

Elxan Şahinoğlu hesab edir ki, keşiş və onun arxasındakı qüvvələrin dərdi seçki yolu ilə hakimiyyətə gəlmək deyil, xunta rejimi formalaşdırmaqdır.

"Görünür, seçkidə yenə məğlub olacaqlarını anlayırlar. Əslində, Nikol Paşinyan keşişin “erkən seçki istəmirik” ifadəsindən radikallara qarşı istifadə edə bilər", - deyə politoloq qeyd edib.

Aymirə Ağamirova