Baqrat Qalstanyanın SONU.... FOTO - EKSKLÜZİV

Azərbaycanla-Ermənistan arasında razılaşma əldə olunduğu vaxtdan bəri bu ölkədə əhalini meydanlara çıxaran Erməni keşişin canfəşanlığı xüsusilə diqqət çəkir.

Ulusum.az xəbər verir ki, Atlas Araşdırmaları Mərkəzinin rəhbəri, politoloq Elxan Şahinoğlu Baqrat Qalstanyanın bu hərəkətlərini siyasi təhlil edib.

Politoloq bildirir ki, erməni keşiş Baqrat Qalstanyanın ötən əsrində əvvəllərində Rusiyada yaşayan keşiş Qaponla oxşar cəhətləri az deyil.
"Vaxtilə Qapon da Qalstanyan kimi müxalif hərəkata liderlik iddiasında idi. Rus keşiş etirazçıları Rusiya imperatoruna qarşı qiyama qaldırmağa cəhd etdi, nəticədə etirazçılar meydanda güllələndi və bu, tarixə 1905-ci il “qanlı bazar günü” kimi düşdü. İnsanları qırğına verən Qapon özü qaçıb gizləndi, bir il sonra inqilabçı dostları keşişin çar polisinin gizli xəfiyyəsi olması ittihamıyla onu qətlə yetirdilər.

Qaponun təxribatı Rusiyada sonrakı təlatümlərin başlanğıcı oldu, qiyamçı bolşeviklərin hakimiyyətə gəlişini sürətləndirdi.
İndi Baqrat Qalstanyan da Qaponun yoluyla gedir, etirazçıları hakimiyyətə qarşı mübarizəyə səsləyir",- deyə politoloq qeyd edib.
Elxan Şahinoğlu həmçinin onun da Qapon kimi xarici kəşfiyyatlardan birinə işləməsi və sonunun rus keşişi kimi bitəcəyini istisna etmir.