Xəstəxanada xəstə şoka düşərək öldü

Cəlilabad rayon xəstəxanasında müalicə alan şəxs, sistem köçürülməsi nəticəsində şoka düşərək ölüb.

Cəlilabad rayon xəstəxanasında ölüm faktı qeydə alınıb.

Məlumata görə, 1993-cü il təvəllüdlü Vahid Nuriyev bu gün səhər xəstəxanaya müraciət edib. Bir müddətdən sonra o, xəstəxanada dünyasını dəyişib.
Qonşusunun dediyinə görə V.Nuriyev bir neçə dəfə xəstəxanaya müraciət edib.
Bu gün də xəstəxanaya ayaqlarının şişməsi ilə bağlı müraciət edən Vahidə sistem köçürülüb.
Onun yanında olan yaxınlarının sözlərinə görə, sistem köçürüldükdən sonra xəstə şoka düşüb. Yaxınları əlavə edirlər ki, mərhum bir neçə dəfə həkimə müraciət edib, lakin hər dəfə onu gözləməyi məsləhət görüblər, beləcə, vəziyyəti daha da ağırlaşıb.

Hadisə ilə bağlı Cəlilabad Rayon Mərkəzi Xəstəxanasıının açıqlamasına görə isə, mərhum bu gün xəstəxanaya müraciət edib və ona ilkin tibbi yardım göstərilən zaman onun halı pisləşib. Daha sonra o, reanimasiya şöbəsinə yerləşdirilib. Lakin aparılan reanimasion tədbirlərə baxmayaraq, xəstə vəfat etmişdir.

Faktla bağlı araşdırma aparılır.
Eltun Məmmədov