“Trendyol”da çətin tapılan məhsul

Türkiyənin məşhur onlayn alış-veriş şirkəti “Trendyol”da demək olar hər növ məhsul var. Bəs tapılmayanlar nədir? Yaxud "hər şey var, heç nə yox" prinsipidir?

Ulusum.az xəbər verir ki, nəhəng alış-veriş saytı olan “Trendyol”da son aylar kişi klassik ayaqqabıları tapılmır. Əvvəllər bol çeşidi olan bu məhsulların həm qiyməti bahalaşıb, həm də dəbdən uzaqlaşıb.

1 il öncə 50 manata olan dəbli ayaqqabılar, indi 120-250 manat arası dəyişir. Ucuz ayaqqabıların isə nə görünüşü, nə də keyfiyyəti istənilən səviyyədədir.

Hazırda müştərilər də bu problemlərdən şikayətlənir. Karqo əməkdaşları bildirir ki, son 4 ay ərzində klassik ayaqqabı sifarişi 80 faiz azalıb. Azsaylı alıcılar da məhsuldan narazıdırlar.

Qeyd edək ki, “Trendyol”da qiymətlər ötən ilə nisbətən xeyli artıb.

Ağa Dadaşzadə