BTA-da Ümummilli Liderimizin anadan olmasının 101-ci ildönümü ilə bağlı ANŞLAQ - FOTO - EKSKLÜZİV

Bakı Tennis Akademiyasında anşlaq.

Ulu Öndər Heydər Əliyevin anadan olmasının 101-ci ildönümü həsr olunan dövlət qurumları arasında minifutbol turnirinə yekun vurulub.

Ulusum.az saytı xəbər verir ki, Bakı Tennis Akademiyasında əsl futbol ab-havası hökm sürüb. 3500 nəfər azarkeşin izlədiyi görüşdə 500 nəfərdən çox futbol həvəskarı yer olmadığından zala daxil ola bilməyiblər.

Yüksək idman şəraitində keçən final qarşılaşmasında Ədliyyə Nazirliyinin komandası Fövqəladə Hallar Nazirliyi komandasına 2:1 hesabı ilə qalib gəlib.

Yarışın qalibi Ədliyyə Nazirliyinin komandası olub. II və III yerlərə müvafiq olaraq Fövqəladə Hallar Nazirliyinin və Daxili İşlər Nazirliyinin komandaları layiq görülüblər.

Qeyd edək ki, yarış Gənclər və İdman Nazirliyinin, Futbol Federasiyaları Assosiasiyası və Azərbaycan Minifutbol Federasiyasının dəstəyi ilə 2023-cü ilin noyabrından start götürən turnirdə 52 dövlət qurumu təmsil olunub.

Ağa Dadaşzadə