Tovuzda elmi-praktiki konfrans KEÇİRİLDİ - EKSKLÜZİV

Tovuzda Ulu Öndər Heydər Əliyevin anadan olmasının 101-ci ildönümü münasibətilə elmi-praktiki konfrans keçirilib.

Ulusum.az xəbər verir ki, Tovuz Rayon İcra Hakimiyyətinin və YAP Tovuz Rayon Təşkilatının birgə təşkilatçılığı ilə Tovuz şəhər Heydər Əliyev Mərkəzində keçirilən konfransda Tovuz rayon İcra Hakimiyyətinin başçısı Məmməd Məmmədov, YAP Tovuz Rayon Təşkilatının sədri Nihad Pənahov, hüquq-mühafizə orqanlarının rəhbərləri və ictimaiyyət nümayəndələri iştirak edib.
Öncə Ulu Öndər Heydər Əliyevin abidəsi önünə gül dəstələri qoyularaq əziz xatirəsi yad edilib. Vətən uğrunda canından keçən şəhidlərimizin və Ümummilli Liderimiz Heydər Əliyevin əziz xatirəsi bir dəqiqəlik sükutla yad edilib.
Konfransı giriş sözü ilə açan Məmməd Məmmədov Ulu Öndər Heydər Əliyevin əziz xatirəsinin qədirbilən xalqımız tərəfindən daim böyük hörmət və sonsuz minnətdarlıq hissləri ilə anıldığını bildirib.

Tədbirdə bildirilib ki, Ümummilli Lider həyatını canından çox sevdiyi Azərbaycanın rifahına və davamlı inkişafına həsr edib, hakimiyyətdə olduğu hər iki dövrdə Ulu Öndərin milli maraqlara əsaslanan uğurlu inkişaf strategiya yürüdüb və misilsiz xidmətlərgöstərib.

Konfransa “Ulu Öndər Heydər Əliyevin zəngin fəaliyyəti əsl dövlət idarəçiliyi məktəbinə çevrildi”, “Heydər Əliyev Azərbaycanın sosial-iqtisadi inkişaf strategiyasının banisidir”, “Ümummilli Lider Heydər Əliyev Azərbaycanda müasir dövlət idarəçiliyinin banisidir”, Heydər Əliyev Mərkəzinin direktoru Humay Aslanova “Heydər Əliyev və Azərbaycan mədəniyyəti”, “Təhsil millətin gələcəyidir” mövzusunda məruzələr dinlənilib.
Ulu Öndərin zəngin irsinin dərindən öyrənilməsinin və təbliğinin vacibliyini qeyd olunub.

Sonda Ulu öndər Heydər Əliyevin həyat və fəaliyyətindən bəhs edən film nümayiş etdirilib.

Aymirə Ağamirova