Toyda kütləvi dava: Gənc bıçaqlandı

Tovuz rayonunun Ağaşğı Quşçu kəndindəki şadlıq evlərindən birində keçirilən toy məclisində kütləvi dava baş verib.

Ulusum az-ın bölgə müxbiri xəbər verir ki, hadisə zamanı 1998-ci il təvəllüdlü Nihad Hüseynov bıçaq xəsarəti alaraq xəstəxanaya çatdırılıb. O, əməliyyat edilib və vəziyyətinin kafi olduğu bildirilir. Polis əməkdaşları hadisəni törətməkdə şübhəli bilinən şəxsin kimliyinin və yerinin müəyyən olunması istiqamətində tədbirlər həyata keçirir.

Faktla bağlı araşdırmalar davam edir.