Ev sahibini hədələyib pulunu aldılar

Şəmkirdə ev sahibi hədələnərək qarət edilib – Şübhəlilər saxlanıldı

Noyabrın 18-i gecə saatlarında Şəmkir rayonunda film səhnələrini xatırladan quldurluq hadisəsi baş verib. İki naməlum şəxs yaşayış evinə daxil olaraq ev sahibini kəsici alətlə hədələyib. Hadisə zamanı onlar evdən müəyyən məbləğdə pul və evin açarlarını ələ keçiriblər.

Hadisə barədə məlumat daxil olduqdan sonra polis əməkdaşları əməliyyat-axtarış tədbirlərinə başlayıblar. Qısa müddət ərzində cinayəti törətməkdə şübhəli bilinən şəxslər müəyyən olunub.

Aparılan tədbirlər nəticəsində 2010-cu il təvəllüdlü Elay İsgəndərov və 2007-ci il təvəllüdlü Cəsur Qarayev saxlanılaraq istintaqa təhvil verilib. Onlar barəsində Cinayət Məcəlləsinin “quldurluq” maddəsi üzrə başlanmış cinayət işi çərçivəsində istintaq aparılır.

Hadisə ilə bağlı araşdırmalar davam etdirilir.

Ulusum.az