Kvadratlar ərazisində kanalizasiya boruları hara yoxa çıxdı?

Kvadratlar ərazisində kanalizasiya boruları hara yoxa çıxdı?– Sakinlər ciddi suallar qaldırır

Xətai rayonu, “Kvadratlar” adlanan ərazi ilə bağlı sakinlərin narazılığı artır.

Ulusum.az-a daxil olan müraciətlərdə deyilir ki, ərazidə aparılan həyət abadlaşdırılması zamanı kanalizasiya boruları gətirilsə də, yenilənmə prosesi həyata keçirilməyib.

Sakinlərin iddiasına görə, borular naməlum şəxslər tərəfindən maşınlara yüklənərək aparılıb.

Sakinlər bildirirlər ki, bir müddət əvvəl Leyla Əliyevanın təşəbbüsü ilə ərazidə genişmiqyaslı abadlıq işləri görülüb. Həyətlər yenilənib, məhəllənin ümumi görünüşü yaxşılaşıb.

Lakin problem bununla bitməyib:

Kanalizasiya xətti yenilənməli olduğu halda, gətirilmiş borular həyətdə qısa müddət qaldıqdan sonra kimlərsə tərəfindən aparılıb.

Sakinlər sual edir:

Borular hara aparıldı?

Niyə yenilənmə işi yarımçıq qoyuldu?
Bu boruları kim və hansı məqsədlə götürdü?

Onların fikrincə, boruların satıldığı və başqa yerlərdə istifadə olunduğu ehtimalı çox böyükdür.

Ulusum.az