Rənglərin qardaşlığı: Özbəkistanda sərgi

Özbəkistanın paytaxtı Daşkənddə Azərbaycan, Qazaxıstan, Türkiyə və Özbəkistan rəssamlarını bir araya gətirən “Rənglərin qardaşlığı” adlı bənzərsiz sərgi keçirilib.

Bu tədbir Türk dövlətləri arasında mədəni əməkdaşlıq və sənət dialoqunu gücləndirmək məqsədi daşıyır.



Sərgi “5 barmaq — bir ruh” ideyasına əsaslanaraq ortaq tariximizi, mədəni dəyərlərimizi və ruhani birliyimizi bədii dillə ifadə edir. Rəssamlar əsərlərində hər bir xalqın özünəməxsus ruhunu, coğrafiyasını və həyat tərzini rənglərin, xətlərin və formaların dili ilə canlandırıblar.



Bu bədii mənzərələr vasitəsilə ziyarətçilər dostluq, sülh və qarşılıqlı hörmət mesajlarını hiss edir, rəsm əsərlərində sənətin birləşdirici gücünü dərk edirlər.



Tədbirin media dəstəyini Ulusum.az və Magamedia göstərib. Onların informasiya dəstəyi sərginin daha geniş kütləyə çatmasında mühüm rol oynayıb.



R.Daşdəmirova