12 Günlük Müharibə Bitdi? Tramp İsrail və İranı Barışdırdı?

ABŞ-ın prezidenti Donald Tramp öz sosial şəbəkəsində İsrail və İran arasında tam atəşkəs razılaşmasının əldə edildiyini bəyan edib.

O, bu razılaşmanın Bakı vaxtı ilə saat 08:00-da qüvvəyə minəcəyini bildirib.

“İsrail və İran demək olar ki, eyni anda mənə müraciət edərək dedilər: “SÜLH!” Mən başa düşdüm ki, zaman yetişdi. Bu, təkcə tərəflərin deyil, bütün dünyanın və Yaxın Şərqin qələbəsidir! Hər iki xalq gələcəkdə SEVGİ, SÜLH VƏ İNKİŞAF görəcək. Əgər HƏQİQƏT və DÜZ YOLDAN yayınmasalar, çox şey qazana, çox şey də itirə bilərlər. İsrailin və İranın gələcəyi böyük ümidlərlə doludur. QOY ALLAH SİZİ QORUSUN!” – deyə Tramp qeyd edib.

📜 Atəşkəs Planının Detalları:

Tramp bildirib ki, razılaşma tam və qəti atəşkəsi əhatə edir:

Tərəflər hazırda davam edən son missiyalarını tamamladıqdan sonra təxminən 6 saat ərzində 12 saatlıq atəşkəs rejimi başlayacaq.

Bu müddət başa çatdıqdan sonra müharibə rəsmi olaraq bitmiş sayılacaq.

İlk olaraq İran atəşkəsə başlayacaq, 12 saatdan sonra isə İsrail atəşkəsi aktivləşdirəcək.

24 saat tamam olduqda, bütün dünyada bu razılaşma alqışlarla qarşılanacaq.

Tramp vurğulayıb ki, hər bir mərhələdə tərəflər sülh və qarşılıqlı hörmət nümayiş etdirməlidirlər:

“Əgər hər şey planlaşdırıldığı kimi getsə – mən əminəm ki, gedəcək – hər iki xalqı təbrik edirəm: bu, onların dözüm, cəsarət və müdriklik nümunəsidir. 12 günlük müharibə sona çatır.”

Ulusum.az