100-ə yaxın Mərakeş memarlıq nümunəsi SƏRGİLƏNDİ - FOTO EKSKLÜZİV

Mərakeş memarlığı nümayiş sərgisinin açılış mərasimi baş tutub. 7 saylı Bakı “ASAN xidmət” mərkəzində Mərakeş memarlığını əhatə edən sənət əsərlərinin ilk günündə geniş təqdimat mərasimi keçirilib.

ULUSUM.az saytı xəbər verir ki, tədbirdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədr müavini Ceyhun Salmanov, Milli Məclisin Ailə, Qadın və Uşaq Komitəsinin sədri Hicran Hüseynova, deputat Kamilə Əliyeva, dövlət rəsmiləri və digər ölkələrin səfirləri iştirak edib.

Sərgini Mərakeşin Krallığının ölkəmizdəki fövqəladə və səlahiyyətli səfiri Məhəmməd Adil Embarş açıq elən edib.

Burada nümayiş etdirilən sənət əsərlərinin geniş açıqlamasını verərək, səfir keçmiş və indiki dövrün Mərakeş memarlığını özündə əks etdirən, Rabatın sirlər dolu faktlarını qeyd edib.

Bundan başqa, diplomat Mərakeş memarları haqda da geniş məlumat verib. Ümumilikdə, 100-ə yaxın sənət əsərini özündə cəmləşdirən sərgi Mərakeş haqda geniş məlumat əldə etmək üçün ensiklopediya rolunu da oynayır.

Qeyd edək ki, Sərgi çərçivəsində 7 saylı Bakı “ASAN xidmət” mərkəzində Mərakeş memarlığını əhatə edən sənət əsərləri bir həftə ərzində nümayiş etdiriləcək.
Ağa Dadaşzadə