Qubada süd məhsulları müəssisəsində ciddi nöqsanlar aşkarlanıb

"Ulusum". az xəbər verir ki, Quba şəhərində fəaliyyət göstərən süd məhsulları istehsalı müəssisəsində AQTA tərəfindən yoxlama aparılıb.

Müayinələr zamanı məhsullarda mikrobioloji uyğunsuzluq və etiket çatışmazlıqları müəyyən edilib.

Texnoloji ardıcıllıq pozulub, təmizlik və sənədləşmə qaydalarına əməl olunmayıb.

İşçilərin tibbi müayinəsi və gigiyenik təlimləri həyata keçirilməyib. Faktla bağlı müəssisənin fəaliyyəti müvəqqəti dayandırılıb, məhsulların məhv edilməsi qərara alınıb.