Roma Papasının son durumu açıqlanıb

Roma Papası Fransisk, pnevmoniya müalicəsi altında olduğunu bildirərək özünü daha yaxşı hiss etdiyini açıqlayıb. Bu barədə çərşənbə günü Vatican News, Müqəddəs Taxtın Mətbuat Zalına istinadən məlumat yayıb, “Ulusum”.az xəbər verir.

Vatikandan verilən açıqlamada, "Son 24 saat ərzində Müqəddəs Atanın vəziyyəti bir qədər yaxşılaşıb" deyilir.

Həmçinin, son günlərdə meydana gələn yüngül böyrək çatışmazlığı artıq müşahidə olunmur. Bazar ertəsi axşamı həyata keçirilən kompüter tomoqrafiyası nəticəsində Pontifikin ağciyərlərində iltihabla bağlı yeni bir problem aşkar edilməyib.

Çərşənbə günü götürülən qan analizləri də vəziyyətin yaxşılaşdığını təsdiqləyib.

Səidə