Papa Fransisk xəstəxanada "sakit bir gecə" keçirib

Roma Papası Fransisk xəstəxanaya yerləşdirildikdən sonra «sakit bir gecə» keçirdiyini bildirib.

“Ulusum”.az xəbər verir ki, bu barədə İtaliya agentliyi ANSA məlumat yayıb.

Vatikandan adı açıqlanmayan mənbələrə istinadən yayılan məlumatda bildirilir ki, Papa Fransiskin vəziyyəti ilə bağlı narahat olmağa ehtiyac yoxdur. Xəstəxanaya yerləşdirildiyi zaman müşahidə edilən yüksək temperaturun azalacağı gözlənilir.

15 fevralda Vatikana aid mətbuat xidməti yazıb ki, tənəffüs yolu infeksiyasına baxmayaraq, Papa Fransiskin vəziyyəti qənaətbəxşdir.

Öncə isə məlum olub ki, Papa Fransisk 14 fevral cümə günü xəstəxanaya yerləşdirilib. Sağlamlıq problemləri səbəbindən Slovakiya baş naziri Robert Fico və CNN-in baş direktoru Mark Tompson ilə görüşləri ləğv etməli olub.

16 yanvar tarixində isə bildirilib ki, Roma Papası Fransisk yıxılaraq sağ qolunu zədələyib. Əl təhlükəsizlik tədbiri kimi hərəkətsizləşdirilib. Dekabr ayında isə pontifik çənəsini zədələyib, bunun səbəbi isə şkafın küncünə çırpılması olub.

Səidə