Papa Fransiskin vəziyyəti necədir?

“Ulusum”.az xəbər verir ki, Papa Fransiskin təhlükəsizliyini təmin edən İsveçrə qvardiyasının nümayəndəsi, Blick nəşrinə verdiyi açıqlamada, papanın dəfn məşqlərinin keçirildiyi və Vatikan ərazisində komendant saatının tətbiq edildiyi barədə yayılan şayiələri təkzib edib. O, hazırda işlərin adi qaydada davam etdiyini bildirib.

Son məlumatlara görə, Papa Fransisk "ikitərəfli pnevmoniya" diaqnozu qoyulduqdan sonra sakit gecə keçirib. Lakin 88 yaşlı papanın vəziyyəti ilə bağlı narahatlıqlar artıb və yaxın zamanlarda onun xəstəxanadan çıxması gözlənilmir.

İtalyan kardinalı Andjelo Komastri, Fransiskin sakit olduğunu və həyatını Tanrıya təslim etdiyini bildirib. O, sağlamlığının onu tərk edə biləcəyini qəbul etdiyini də qeyd edib.

Əvvəlcə bəzi xəbərlərdə Vatikanın Papa Fransiskin dəfninə hazırlıq gördüyü bildirilmişdi. Bu hazırlıqların İsveçrə qvardiyası tərəfindən həyata keçirildiyi iddia olunub. Papa üçün qoyulan "ikitərəfli pnevmoniya" diaqnozu, yas mərasiminə hazırlıqların başlanmasına səbəb olub. Vatikan isə papanın vəziyyətini sabit, amma çətin olaraq qiymətləndirib.

Səidə