ABŞ-ın bir mesajı NATO-nu "klinik ölümə" aparır

"ABŞ-ın Münhen Təhlükəsizlik Konfransında Avropa müttəfiqlərinə göndərdiyi mesaj böyük şok yaratdı və NATO-nu "kliniki ölüm vəziyyətində" qoydu".

“Ulusum”.az xəbər verir ki, bunu Bloomberg agentliyinin kolumnisti Mark Çempion bildirib. O, qeyd edib ki, 2007-ci ildə Rusiya prezidenti Vladimir Putin artıq xəbərdarlıq etmişdi ki, Moskva Qərbin müəyyən etdiyi qaydalara əməl etməyəcək. Və indi Vaşinqton öz müttəfiqlərinə buna bənzər bir mesaj göndərib.

Bu, Avropa üçün gözlənilməz bir şok oldu və nəticədə transatlantik alyans faktiki olaraq "kliniki ölüm vəziyyətində" qaldı, deyə Çempion vurğulayıb. O, həmçinin bildirib ki, keçən həftə Avropalıların ən pis qorxuları gerçəkləşib — onlar artıq dərk ediblər ki, indi yalnız öz güclərinə arxalana bilərlər. Artıq Avropa, ABŞ-ın NATO-nun kollektiv müdafiə prinsipini yerinə yetirəcəyinə şübhə ilə yanaşır.

Çempion həmçinin qeyd edib ki, bu gün ABŞ Rusiyanı potensial müttəfiq kimi qəbul edir. Avropa hələ də ABŞ-ın dəstəyinə ehtiyac duyursa da, Tramp artıq Avropaya aid heç bir əhəmiyyət görmür.

Səidə