ABŞ Ukraynaya qeyri-avropa sülhməramlıları göndərməyi düşünür

Vaşinqtonda hesab edirlər ki, Ukraynadakı münaqişə bitdikdən sonra oraya qeyri-avropa ölkələrinin sülhməramlı qüvvələri göndərilə bilər, beləliklə atəşkəsin qorunmasına dəstək verilər.

“Ulusum”.az-ın məlumatina görə, xəbəri The Economist verir.

Mənbənin məlumatına görə, rəsmilər Braziliya və ya Çin kimi ölkələrdən sülhməramlıları cəlb etməyi təklif edirlər və onları atəşkəs xəttinə yerləşdirərək, tampon rolunu oynamalarını təmin etməyi planlaşdırırlar.

The Economist qeyd edir ki, ABŞ-ın vitse-prezidenti Cey D. Vens, yalnız Avropa hərbçilərindən ibarət qüvvələrin Rusiyaya qarşı daha az effektiv ola biləcəyini Aİ ölkələrinin nümayəndələrinə bildirmiş ola bilər.

Əvvəllər bir çox KİV-lər, atəşkəsin əldə olunması halında Ukraynaya Avropa sülhməramlılarının göndərilməsi ilə bağlı müzakirələr barədə yazmışdılar.

Səidə