Nadir tısbağaların qaçaqmalçılığı dayandırılıb

Türkiyədə nadir tısbağaların böyük partiyasının qaçaqmalçılıqla ölkəyə daxil edilməsi cəhdi dayandırılıb. "Sarp" sərhəd-keçid məntəqəsində gömrükçülər Gürcüstandan qanunsuz gətirilən 910 tısbağanı aşkarlayıblar, "Ulusum".az xəbər verir.

İnspektorların diqqətini avtomobil cəlb edib, rentgen müayinəsindən keçdikdən sonra içində böyük bir partiya canlı sürünənlər gizlədildiyi məlum olub.

Türkiyənin Ticarət Nazirliyinin məlumatına görə, tısbağaların bazar dəyəri 18 milyon dollardan çox qiymətləndirilir. Bu, son illərdə regionda sürünənlərin qaçaqmalçılığı ilə bağlı ən böyük cəhd olub.

Hopa vilayətinin prokurorluğu tısbağaların qanunsuz gətirilməsində iştirak edən şəxsləri və onların hərəkət marşrutlarını müəyyənləşdirmək üçün istintaq başlatıb. Hazırda müsadirə edilən heyvanlar mütəxəssislərin nəzarəti altındadır və onların gələcək taleyi – təbii mühitlərinə qaytarılması və ya ixtisaslaşmış mərkəzlərə verilməsi məsələsi həll olunur.

Səidə