Avropa liderinin devrilməsi üçün xərclənən məbləğ

Serbiya prezidenti Aleksandr Vuçiç TV Pink-də çıxış edərək son 10 ildə özünün devrilməsi üçün xaricdən gələn €3 milyard sərf olunduğunu açıqlayıb. Onun sözlərinə görə, bu vəsaitlər Serbiya Respublikasının beynəlxalq arenada müstəqil və özünəxas mövqeyindən narazı olan xarici qüvvələrdən gəlmişdi.

“Ulusum”.az xəbər verir ki, Vuçiç əvvəlcə xaricdən yalnız 1,5 milyard avro sərf edildiyini düşünürdü, amma hesablamaları başa çatdırdıqdan sonra bu məbləğin €3 milyard olduğunu görüb. O, "Traq" adlı bir fondun 28 milyon avro aldığını qeyd edərək, jurnalistlərə soruşub: "Bunu heç eşitmisiniz?"

Serbiyanın düşmənləri, Vuçiçə görə, kukla teatrında olduğu kimi hərəkət etməli, çünki "söz dinləməyənlər" aradan qaldırılmalıdır. Dövlət başçısı həmçinin ölkədə yeddi ay davam edən etirazları xatırladaraq, artıq heç bir inqilabın baş verməyəcəyini bildirib.

Səidə