CNN Barak Obamanı Usama bin Ladenlə qarışdırdı

CNN telekanalı canlı yayımda ABŞ-ın keçmiş prezidenti Barak Obamanı terrorçu Usama bin Ladenlə qarışdırıb.

“Ulusum”.az xəbər verir ki, bu barədə Daily Mail məlumat yayıb.

Hər şey qeyri-qanuni miqrantların Quantanamoya köçürülməsi ilə bağlı süjet zamanı baş verib. Aparıcı Usama bin Ladenin yaxın silahdaşı Əbu Zubeydə haqqında danışarkən ekranda "Obamanın bin Ladenlə müttəfiqi Əbu Zubeydə" yazısı görünüb.

Telekanal bu səhvlə bağlı heç bir şərh verməyib. Lakin bu səhv sosial şəbəkələrdə böyük reaksiya doğurub. Bəzi istifadəçilər səhvin bilərəkdən edildiyini iddia ediblər.

Səidə