İran XİN: ABŞ-la birbaşa danışıqlar üçün əsas yoxdur

İran İslam Respublikası ABŞ prezidenti Donald Trampla birbaşa danışıqlar üçün əsas görmür.

“Ulusum”.az xəbər verir ki, bu barədə İranın xarici işlər naziri Abbas Araqçi Al Jazeera telekanalına açıqlamasında bildirib.

"Bu baş verməsi üçün bir səbəb lazımdır. Hazırda bunun üçün heç bir əsas görmürəm. Ancaq, əlbəttə ki, onların hansı siyasət yürüdəcəyini və dialoq üçün əsas yaranıb-yaranmayacağını izləməliyik", – deyə Araqçi bildirib.

O əlavə edib ki, keçmişdə İranın ABŞ ilə birbaşa təmasları olub və bu, nüvə sazişinin bağlanmasına imkan yaradıb. Lakin məhz Tramp bu razılaşmanı pozub. Bununla belə, Araqçi qeyd edib ki, dialoqun bərpası üçün Vaşinqton İranın dondurulmuş aktivlərini açmaq addımını ata bilərdi – bu, İran və ABŞ arasında etimadın bərpası üçün ilk addım olardı.

Səidə