CPR: Kolorado Universitetində keçirilən yarışlarda tamaşaçı çəkicin zərbəsindən həlak olub

ABŞ-ın Kolorado Universitetində 26 yanvar tarixində keçirilən atletika yarışlarında faciə baş verib. “Ulusum”.az xəbər verir ki, CPR-in məlumatına görə, çəkicatma yarışında idman aləti qoruyucu baryeri aşaraq tamaşaçıların üzərinə düşüb. Nəticədə 57 yaşlı kişi ağır xəsarət alıb.

Hadisə yerinə gələn təcili tibbi yardım əməkdaşları onun həyatını xilas etməyə çalışsalar da, kişi aldığı xəsarətlərdən hadisə yerində dünyasını dəyişib. Məlum olub ki, həlak olan şəxs yarışda iştirak edən idmançılardan birinin atası olub.

Kolorado Universitetinin rektoru Cenifer Sobanet baş verən hadisədən dərin sarsıntı keçirdiklərini və bütün zərərçəkmişlərə yardım göstərməyə çalışdıqlarını bildirib.

Universitet nümayəndəsi əlavə edib ki, hadisə ilə bağlı araşdırma davam edir. Qeyd olunub ki, universitet daha əvvəl də idman yarışlarına ev sahibliyi edib və bu cür insidentlər yaşanmayıb.

Səidə