NMas: Etirazçılar ABŞ-ın Meksikadakı səfirliyinin qarşısında Trampın kuklasını yandırdıriblar

ABŞ-ın yeni seçilmiş prezidenti Donald Trampın antimiqrasiya təşəbbüslərinə etiraz edən nümayişçilər Meksikadakı ABŞ səfirliyinin yaxınlığında onu təmsil edən kuklanı yandırdılar.

“Ulusum”.az xəbər verir ki, bu barədə NMas telekanalı məlumat yayıb.

Məlumata görə, etirazçılar Meksika paytaxtının əsas küçələrindən biri olan Paseo-de-la-Reforma boyunca yürüş edərək, ABŞ liderinin miqrasiyanı nəzarət altına almaq üçün qəbul etdiyi tədbirlərə qarşı çıxış ediblər. Yürüş ABŞ-ın Meksikadakı səfirliyinin qarşısında başa çatıb. Orada keçirilən mitinqdə ABŞ prezidentini simvolizə edən kukla yandırılıb.

Nümayişçilər insan hüquqlarının müdafiəsi şüarlarını səsləndirərək, diskriminasiya siyasətinin dayandırılmasını tələb ediblər. Onların fikrincə, bu siyasət miqrantlara və Meksika ilə ABŞ arasındakı münasibətlərə mənfi təsir göstərir.

ABŞ Konqresinin mərkəzi zalında inauqurasiya nitqi zamanı Tramp, Meksika ilə sərhəddəki vəziyyətlə əlaqədar fövqəladə vəziyyət rejimi elan edəcəyini və oraya qoşun göndərəcəyini bəyan edib. O, həmçinin, Meksika narkokartellərini xarici terror təşkilatlarının siyahısına daxil etmək niyyətində olduğunu və onlara qarşı güc tətbiq edilməsinin mümkünlüyünü istisna etməyib.


Səidə