Bayden COVID-19-a qarşı mübarizənin eks -"memarını" əfv edib

Co Bayden, pandemiya ilə mübarizə üzrə keçmiş müşaviri Antoni Fauçi, Birgə Ştab Rəhbərləri Komitəsinin keçmiş sədri Mark Milli və 6 yanvar 2021-ci il hadisələri ilə bağlı araşdırmalar aparan Nümayəndələr Palatasının üzvlərini əfv edib. Bu barədə Ağ Evin bəyanatında bildirilir.

Bəyanatda deyilir: "Mən öz səlahiyyətlərimdən istifadə edərək general Mark Millini, doktor Antoni Fauçini və Konqres üzvlərini və bu komitə qarşısında ifadə verən ABŞ Kapitoliyası və Kolumbiya dairəsinin polis əməkdaşlarını əfv etməyə qərar verdim."

Bayden, bu qərarları vermə səbəbini "dövlət məmurlarının davamlı təhdidlərə və hədələrə məruz qalması" ilə izah edir, bəzi hallarda isə onların cinayət məsuliyyətinə cəlb olunması ilə hədələndiyini bildirir. Fauçi, Milli və digər şəxslər, verilən əfvə daxil olan şəxslər arasında yer alır.

Hazırda bu şəxslərə qarşı heç bir ittiham irəli sürülməyib, buna görə də əfv tədbirləri qabaqlayıcı xarakter daşıyır, yəni gələcəkdə ABŞ-ın növbəti administrasiyası onların hər hansı birini məhkəməyə cəlb etməyə çalışarsa, bu, onları qorumaq məqsədini güdür.

Associated Press, Baydenin bu addımları seçilmiş prezident Donald Trampın administrasiyası tərəfindən "qisas" alınmasının qarşısını almaq məqsədilə atdığını xatırladır. Tramp əvvəlcə bildirmişdi ki, vəzifəyə başladıqdan sonra məsuliyyətə cəlb etmək istədiyi şəxslərin siyahısı mövcuddur.


Səidə Mustafa