İsrailin nə qədər fələstinli məhbusu azad etdiyi açıqlanıb

İsrail 90 fələstinli məhbusu azad edib.

“Ulusum”.az xəbər verir ki, bu barədə The Jerusalem Post qəzeti məlumat verib. Azadlıq, radikal HAMAS hərəkatı ilə bağlanmış razılaşma çərçivəsində həyata keçirilib.

İsrail Həbsxanalar İdarəsinin nümayəndələri bildirib ki, məhbuslar HAMAS-ın oxşar addımından sonra azad edilib. HAMAS üç israilli girov – 24 yaşlı Romi Gonen, 28 yaşlı Emili Damari və 31 yaşlı Doron Şteinbrexeri azad edib. Onlar 470 gündür ki, Qəzza zolağında saxlanılırdılar. İndi isə israilli hərbçilərin müşayiəti ilə doğma torpaqlarına qayıdıblar.

HAMAS tərəfindən 7 oktyabr 2023-cü ildə İsrailə hücumdan sonra əsir düşən qızlar, azad olduqdan sonra hərəkatın nümayəndələrindən hədiyyə paketi alıblar. Paketin nə ilə dolu olduğu hələ açıqlanmayıb, lakin onlardan biri Qəzza zolağının şəklidir.


Səidə Mustafa