HAMAS İsrailə bazar günü azad ediləcək girovların siyahısını təqdim edib

HAMAS vasitəçilər vasitəsilə bazar günü atəşkəs razılaşması çərçivəsində azad ediləcək üç girovun adını İsrail tərəfinə təqdim edib.

“Ulusum”.az xəbər verir ki, bu barədə İsrail rəsmisi Kan tele-radio yayımçısına məlumat verib.

The Times of Israel HAMAS-ın açıqlamasına istinadən azad ediləcək girovların adlarını qeyd edir: Romi Gonen, Emili Damari və Doron Şteynbrexer.

İsrail hakimiyyəti bəyan etmişdi ki, atəşkəs razılaşmasının şərtlərini yalnız HAMAS bazar günü azad ediləcək bütün girovların adlarını təqdim etdikdən sonra yerinə yetirəcək. HAMAS isə siyahının təqdim edilməsində gecikməni texniki səbəblərlə izah edib.

Səidə Mustafa