Bayden Kubanı terrorçuluğu dəstəkləyən ölkələr siyahısından çıxarmağa qərar verib

ABŞ prezidenti Cozef Bayden, Kuba Respublikasını terrorçuluğu dəstəkləyən ölkələr siyahısından müvəqqəti çıxarmağa qərar verib.

"Ulusum".az xəbər verir ki, bu barədə Ağ Ev bu gün məlumat yayıb.

" Mən qərara gəldim ki, (...) Kuba ilə bağlı bu qərarın altı ay müddətinə təxirə salınması ABŞ-ın maraqlarına uyğundur və Kubanın demokratiyaya keçidini sürətləndirəcək", - Baydenin ABŞ Konqresinə göndərdiyi bildirişdə qeyd edilib.

Associated Press xəbər verir ki, Ağ Ev bu addımı Vatikanda vasitəçilik etdiyi Havana ilə razılaşma çərçivəsində atıb. Kuba tərəfi, öz növbəsində, 20 yanvarda, Baydenin hakimiyyətdə olduğu son günündə, bir neçə onlarla siyasi məhbusu azad etməyə razılaşıb.

Agentlik vurğulayır ki, Baydenin qərarı Kubanın iqtisadiyyatına qarşı tətbiq edilən bir sıra məhdudiyyətlərin aradan qaldırılmasına imkan verəcək.

Lakin Associated Press qeyd edir ki, Baydenin Kubaya qarşı atdığı addımların çox davamlı olmayacağı ehtimal olunur: böyük ehtimalla, növbəti ABŞ prezidenti Donald Tramp onları tez bir zamanda ləğv edəcək.

Həm Tramp, həm də onun dövlət katibi namizədi Marko Rubio keçmişdə dəfələrlə Havana ilə sərt tədbirlərin görülməsi tərəfdarı olduqlarını bildirib.


Səidə Mustafa