Mali ordusunun Baş Qərargahı terrorçulara qarşı uğurlu əməliyyatlar barədə məlumat verib

Mali ordusu, ölkənin mərkəzi hissəsində terrorçulara qarşı bir sıra uğurlu əməliyyatlar keçirib.

"Ulusum".az xəbər verir ki, bu barədə TASS, Mali Silahlı Qüvvələrinin Baş Qərargahına istinadən məlumat yayıb.

Hərbçilər Doro, Berdossu və Tin-Tates ərazilərində 20-dən çox terrorçunu məhv edib, onların texnikasını və rabitə vasitələrini aşkar ediblər. Hökumət qoşunları həmçinin, terrorçulardan raketlər və partlayıcı maddələrin istehsalı üçün materiallar daxil olmaqla, silah anbarı ələ keçirib.

Baş Qərargahda bildirilib ki, Mali ordusu terrorçuları təqib edəcək və ölkənin bütün ərazisində təhlükəsizliyi təmin edəcək.


Səidə Mustafa