HƏMAS Qəzzada atəşkəsin birinci mərhələsində əsirlərin siyahısını təqdim etməyi planlaşdırır

Fələstinin radikal HƏMAS hərəkatı, Qəzza sektorunda atəşkəs razılaşmasının ilkin mərhələsində saxlanılan İsrail əsirlərinin siyahısını təqdim etməyə hazırdır. Bu barədə TASS öz mənbələrinə istinadən məlumat yayıb.

Xəbər verildiyi kimi, vasitəçilər artıq razılaşmanın ilkin variantını alıblar və tərəflər İsrailin təklif olunan şərtlərə reaksiyasını gözləyirlər. Sənədə əsasən, atəşkəs razılaşması "üç zaman mərhələsində" həyata keçiriləcək.

Al Arabiya-nın mənbələrinə görə, HƏMAS danışıqlar zamanı "müəyyən çeviklik" nümayiş etdirib, bu da İsrailin baş naziri Benyamin Netanyahunun razılaşma müzakirələrini yenidən başlatmasına səbəb olub.

HƏMAS hərəkatı hazırkı danışıqların gedişi ilə bağlı rəsmi açıqlama vermir.


Səidə Mustafa