Yaponiya "Vaqner" şirkətinin təsisçisi Yevgeni Priqojinin anasına qarşı tətbiq olunan sanksiyaları ləğv edib

Yaponiya hökuməti səkkiz şəxsin sanksiya siyahısından çıxarıldığını elan edib, bunlar arasında Rusiyalı iş adamı, "Vaqner" özəl hərbi şirkətinin təsisçisi Yevgeni Priqojinin anası Violetta Priqojina da var. Fərman, Yaponiya hökumətinin qərarı ilə qəbul edilib və Yaponiya Xarici İşlər Nazirliyinin rəsmi mətbuat açıqlamasında bildirilir.

"Sanksiya siyahılarından səkkiz nəfər çıxarılıb, bunlar arasında Violetta Priqojina da var," - sənəddə qeyd edilir. Sanksiyaların götürüldüyü şəxslər arasında Rusiya Silahlı Qüvvələrinin iki hərbçisi Oleg Tsokov və Georgi Şuvaev də yer alır, onlar ölümündən sonra siyahıdan çıxarılıblar.

Bundan əlavə, Yaponiya üç Rusiya bankına, 29 hüquqi şəxslə yanaşı, 11 fiziki şəxsə qarşı sanksiyalar tətbiq edib. Maliyyə təşkilatlarına qarşı tədbirlər bu ilin 9 fevral tarixindən etibarən qüvvəyə minəcək.

Səidə Mustafa