ABŞ-da rezonanslı qətl: Çarli Kirki öldürən 22 yaşlı gənc tutuldu

ABŞ prezidenti Donald Tramp bildirib ki, tanınmış aktivist-republikaçı Çarli Kirkin qətlində şübhəli şəxs saxlanılıb. Prezidentin sözlərinə görə, günahkar ölüm cəzasına layiqdir.

Xatırladaq ki, Çarli Kirk Yuta Vadisi Universitetində (Utah Valley University) çıxışı zamanı güllələnmişdi. Bu, onun “The American Comeback” adlı ölkə üzrə tur çərçivəsində ilk çıxışı idi. Kirk auditoriya ilə açıq havada görüşərkən boynundan atəş açılmışdı.

ABŞ mediasının məlumatına görə, qatil 22 yaşlı Tayler Robinsondur. New York Post yazır ki, o, törətdiyini atasına etiraf edib. Atası isə polis çağıraraq oğlunu hüquq-mühafizə orqanlarına təhvil verib.

Reuters və CNN qeyd edir ki, Robinsonun yerini müəyyənləşdirməkdə pastordan alınan məlumat da rol oynayıb.

Ulusum.az