Abramoviçin sərvəti araşdırılır: 1990–2000-ci illərin kapitalizmi gündəmdə

Cersi adasının hakimiyyəti rusiyalı milyarder Roman Abramoviçə qarşı cinayət təhqiqatına başlayıb. The Guardianın İsveçrə məhkəməsi sənədlərinə istinadən yazdığına görə, iş adamı korrupsiyada və pul yuyulmasında şübhəli bilinir.

İstintaqçılar Abramoviçin sərvətinin formalaşmasını 1990–2000-ci illərdə Rusiyada baş verən “xaotik və nəzarətsiz kapitalizm yüksəlişi” dövründə araşdırmaq niyyətindədir. Bu iş çərçivəsində Cersi hakimiyyəti İsveçrə məhkəmələrinə rəsmi sorğular göndərib.

Abramoviç isə vəkilləri vasitəsilə bütün ittihamları rədd edib və onun hər hansı cinayət fəaliyyətinə bağlılığı barədə iddiaların saxta olduğunu bəyan edib.

Hazırda istintaq davam edir, Cersi hakimiyyəti Abramoviçə bağlı şirkətlərin bank hesabları barədə məlumat toplayır. İş artıq bir neçə ölkənin hüquq-mühafizə orqanlarının iştirakı ilə beynəlxalq xarakter alır.

Ulusum.az