Abramoviçin Britaniyaya 1 milyard funt sterlinq borcu ola bilər- Araşdırma

BBC və Tədqiqatçı Jurnalistika Bürosunun əldə etdiyi sızdırılmış sənədlərə əsasən, Roman Abramoviç 1 milyard funt sterlinqə qədər vergi borcu ilə üzləşə bilər.

“Ulusum”.az xəbər verir ki, araşdırmaya görə, milyarderin 6 milyard dollarlıq investisiyaları Britaniya Vircin Adalarında qeydiyyatdan keçmiş şirkətlər vasitəsilə yönləndirilib. Lakin bu şirkətlərin idarəçiliyinin Böyük Britaniyada həyata keçirildiyi ehtimal olunur ki, bu da onların Britaniya qanunvericiliyinə əsasən vergiyə cəlb olunmalı olduğunu göstərir.

Bundan əlavə, "Çelsi" futbol klubunun maliyyələşdirilməsində istifadə edilən vəsaitlərin bir hissəsinin vergidən yayınma sxeminə qoşulmuş şirkətlərlə əlaqəli olduğu müəyyən edilib.

Abramoviçin vəkilləri onun həmişə müstəqil vergi və hüquq ekspertlərindən məsləhət aldığını və onların tövsiyələrinə uyğun hərəkət etdiyini bildiriblər. Milyarder isə vergidən yayınma və ya şəxsən məsuliyyət daşıdığına dair iddiaları rədd edir.

Hazırda Böyük Britaniyanın vergi orqanlarının bu iddiaları araşdırıb-araşdırmayacağı və Abramoviçin potensial vergi borcunun necə həll ediləcəyi məsələsi qeyri-müəyyən olaraq qalır.

Səidə