HƏMAS ABŞ-la danışıqları təkzib etdi — Trampın bəyanatına cavab

Fələstinin HƏMAS hərəkatı ABŞ-la Qəzza zolağındakı vəziyyətin həlli üzrə danışıqlar apardıqları barədə yayılan məlumatı təkzib edib. Al Arabiya telekanalının xəbərinə görə, qrupun adının açıqlanmasını istəməyən nümayəndəsi ABŞ-la birbaşa və ya dolayı təmaslar barədə deyilənlərin həqiqətə uyğun olmadığını bildirib və bununla da ABŞ prezidenti Donald Trampın son bəyanatını rədd edib.

Eyni zamanda mənbə vurğulayıb ki, HƏMAS uzunmüddətli atəşkəsin əldə olunmasına, İsrail qoşunlarının Qəzza zolağından çıxarılmasına və bölgəyə humanitar yardımın təmin edilməsinə töhfə verə biləcək hər hansı təklifləri nəzərdən keçirməyə hazırdır.

Reuters xəbər agentliyinin məlumatına görə, sentyabrın 5-də Tramp Vaşinqtonun HƏMAS-la danışıqlar apardığını açıqlayıb. O, radikalları bütün israilli girovları azad etmədikləri təqdirdə mümkün nəticələrlə bağlı xəbərdar edib, həm də HƏMAS-ın Qəzza üzrə razılaşma üçün bir neçə məqbul şərt irəli sürdüyünü qeyd edib.

Ulusum.az