Mətbuat kralın səhhətindən yazır: əsa ilə gəzən monarx

76 yaşlı Böyük Britaniya monarxı Midland Metropolitan University Hospital-ın açılışında iştirak edərək onkoloji xəstələrlə söhbət edib. Prostat xərçənginin son mərhələsindən əziyyət çəkən bir pasiyent krala sağlamlıq durumu barədə sual verib. Karl III cavabında: “Elə də pis deyiləm” – deyə bildirib.

Kral vurğulayıb ki, xərçənglə mübarizədə ən vacib məsələ xəstəliyin vaxtında aşkarlanmasıdır. O, hər zaman sağalma ümidi olduğunu da qeyd edib. Digər bir pasiyentlə söhbətində isə “70 yaşdan sonra orqanizmin əvvəlki kimi işləmədiyini” etiraf edib.

Buna baxmayaraq, mətbuatda kralın səhhətinin pisləşməsi barədə xəbərlər yayılmaqda davam edir. Radar Online yazır ki, xəstəlik səbəbindən III Karl artıq mülkündə hərəkət etməkdə çətinlik çəkir, əsa ilə gəzib çoxlu su içməklə ağrını azaltmağa çalışır.

Ulusum.az