Tramp Çikaqoda federal nəzarət hədəsi ilə çıxış etdi

ABŞ prezidenti Donald Tramp Truth Social səhifəsində xəbərdarlıq edib ki, əgər yerli hakimiyyət orqanları Çikaqoda cinayətkarlıqla bağlı vəziyyəti düzəltməsə, o, federal nəzarət tədbirlərinə əl ata bilər.

Siyasətçi bildirib ki, ötən həftəsonu şəhərdə 24 nəfər güllələnib, 6 nəfər isə həyatla bir araya sığmayan xəsarət alıb. Tramp həmçinin “İllinoys ştatının miskin qubernatorundan” bəhs edib.



Bu həftənin əvvəlində Çikaqo meri Brendon Conson Tramp administrasiyasının şəhərdə asayişi təmin etmək üçün Milli Qvardiya qüvvələrini yerləşdirmək planlarını tənqid edib. O, cinayətkarlıq səviyyəsinin azaldığını vurğulayıb: ötən ilin eyni dövrü ilə müqayisədə atışmaların sayı 36%, avtomobil oğruluqları isə 26% azalıb. Merin sözlərinə görə, hərbçilər “Amerika şəhərlərini ələ keçirmək üçün and içməyiblər”.

13 avqustda Trampın göstərişi ilə təxminən 800 nəfər Milli Qvardiya əsgəri Vaşinqtona göndərilib. Onların missiyası hüquq-mühafizə orqanları ilə birlikdə təhlükəsizliyi təmin etmək və federal obyektləri qorumaqdır. Hərbçilər 25 sentyabra qədər şəhərdə qalacaq və polis idarəsinə müvəqqəti olaraq federal hökumət nəzarət edəcək. Dövlət başçısı bildirib ki, Vaşinqton küçələrində evsizlər olmamalıdır: onlara yaşayış yeri veriləcək, lakin paytaxtdan uzaqda. Cinayətkarlar isə “öz yerləri” olan həbsxanaya göndəriləcək.

Ulusum.az