6-08-2025, 11:30 0 Cəmiyyət / Dünya

Nüvə təhdidləri ilə oynayan liderlərə Almaniyadan xəbərdarlıq

Almaniya Bundestaqında Sosial Demokrat Partiyasının (SDP) keçmiş fraksiya rəhbəri Rolf Mützenich, ABŞ prezidenti Donald Tramp ilə Rusiya Təhlükəsizlik Şurası sədrinin müavini Dmitri Medvedyev arasında baş verən qarşılıqlı söz atışmasını kəskin tənqid edib. Onun fikirlərini Der Spiegel jurnalı yayımlayıb.

Mützenich bu cür qarşıdurmanı “hissiz, düşüncəsiz və məsuliyyətsiz” adlandıraraq bildirib ki, nüvə silahından istifadə ilə bağlı təhdidlər zarafat mövzusu deyil.

“Əgər bu sözləri bir hazırkı prezident deyirsə – özü də birgə hərbi ittifaqın (NATO) üzvü kimi – və bunu bu qədər kobud və düşüncəsiz şəkildə səsləndirirsə, **Almaniya hökumətindən açıq etiraz gözləyərdim,” – deyə Mützenich vurğulayıb.

Xatırladaq ki, 31 iyul tarixində Dmitri Medvedyev, Trampın Rusiya keçmiş prezidenti ilə bağlı “təhlükəli əraziyə keçib” fikrinə cavab olaraq, Rusiyanın "Perimetr" sistemi ilə bağlı eyham vurmuşdu. Bu sistem SSRİ dövründə yaradılıb və fövqəladə vəziyyət zamanı, rabitə xətləri dağılsa belə, kütləvi nüvə zərbəsinin avtomatik həyata keçirilməsini təmin edir.

Ertəsi gün Tramp cavab olaraq bəyan edib ki, “ehtiyat tədbiri olaraq” iki atom sualtı qayığını “uyğun bölgələrə” yerləşdirməyi əmr edib. Onun sözlərinə görə, bu sualtı qayıqlar indi Rusiyaya daha yaxın mövqedədir.

Ulusum.az

Diqqət Çəkənlər