Durovun Telegram hesablarına bir müddət giriş mümkün olmayıb

"Baza" kanalının məlumatına görə, bir müddət istifadəçilər Telegram-ın həmtəsisçisi Pavel Durovun şəxsi hesablarına giriş imkanı əldə edə bilməyiblər.

Durova məxsus olan @monk və @crow istifadəçi adları ilə hesabların keçidlərində problem yaşandığı üçün onların silindiyi və ya bloklandığı barədə şübhələr yaranıb. Bildirilir ki, hesabların silinməsi kiminsə giriş kodunu təxmin edərək hesabın silinməsi üçün sorğu göndərməsi ilə bağlı ola bilər. Ehtimal olunur ki, Durov bu hadisəni spam kodlarının çoxluğu səbəbilə vaxtında fərq edə bilməyib.

Bir müddət sonra Durovun hər iki hesabı yenidən aktiv olub və istifadəçilər üçün əlçatan vəziyyətə qayıdıb. Hadisə ilə bağlı nə Durov, nə də Telegram tərəfindən rəsmi açıqlama verilməyib.

Ulusum.az