İsrail Qəzzada əməliyyatları genişləndirə bilər

İsrailin Qəzza zolağında qalan israilli girovları azad etmək üçün hərbi əməliyyatları genişləndirməyi planlaşdırdığı bildirilir. Bu barədə ABC telekanalı mənbələrə istinadən xəbər verib.

Məlumata görə, Baş nazir Benyamin Netanyahu Qəzzadakı hərbi əməliyyatların genişləndirilməsi və girovların azad olunması üçün güc tətbiq edilməsini təklif edib.

ABC qeyd edir ki, HƏMAS-ın təxminən 20 israilli girovu hələ də saxladığı güman olunur.

Bir israilli rəsminin ABC News-a verdiyi məlumata əsasən, İsrail və ABŞ rəsmiləri bu məsələ ilə bağlı “davamlı dialoq” aparırlar. Həmin rəsminin sözlərinə görə, İsrail tərəfi HƏMAS-ın girovlarla bağlı razılaşmada maraqlı olmadığını “getdikcə daha aydın başa düşür”.

Ulusum.az