Avropada böyük dəyişiklik: Təyyarələrdə maye qadağası ləğv olunur

Təyyarələrdə əl yükündəki maye məhdudiyyətlərinin aradan qaldırılması gündəmdədir.

Uçuşlarda əl baqajında maye daşımağa qoyulan məhdudiyyətlərə yumşalma gətiriləcək. Sərnişinlər artıq səyahət zamanı içki, ətir və nəmləndirici kimi məhsulları daşımaq üçün hesab aparmaq məcburiyyətində qalmayacaqlar.

Avropa İttifaqı Komissiyası hava nəqliyyatı sərnişinlərinin maye daşıma limitləri ilə bağlı yeni tənzimləmələr hazırlayır. Aİ Komissiyasının nümayəndəsi açıqlamasında bildirib ki, artıq maye partlayıcı maddələri etibarlı şəkildə müəyyən edə bilən yoxlama sistemlərindən istifadə ediləcək.

Komissiya rəsmisi Aİ-yə üzv olan 21 ölkənin hava limanlarında təxminən 700 yoxlama cihazının işə salınması üçün bütün hazırlıqların tamamlandığını və bu sahədə daha da irəliləyişin gözlənildiyini vurğulayıb.

Ulusum.az