HƏMAS müharibəyə qayıdır?

Qəzzada gərginlik yenidən zirvəyə qalxır. HƏMAS-ın hərbi qanadı – “İzzəddin əl-Qəssam Briqadaları”nın nümayəndəsi Əbu Ubeydə “Əl-Cəzirə”yə verdiyi bəyanatda bildirib ki, atəşkəs danışıqları İsrailin səbəbindən ləngiyərsə və ya pozularsa, saxlanılan 10 israilli girovun azad edilməsindən imtina edilə bilər.

Əbu Ubeydə vurğulayıb ki, əgər İsrail tərəfi danışıqlarda manipulyasiyaya və ya vaxt uzatmağa davam edərsə, bu, Tel-Əviv üçün ciddi nəticələrə səbəb ola bilər. Onun sözlərinə görə, HƏMAS genişmiqyaslı müharibəyə tam hazırdır və təşkilatın əsas hədəfi İsrail əsgərlərinin sayını azaltmaq və onlardan mümkün qədər çoxunu əsir götürməkdir.

Ulusum.az