Trampın ayaqları niyə şişib? – Ağ Evdən açıqlama gəldi

ABŞ prezidenti Donald Trampın ayaqlarında yaranan şişkinlik və göyərmələrin səbəbi bəlli olub. Ağ Evin mətbuat katibi Karolin Levitin verdiyi məlumata görə, prezidentin damarlarında aparılan müayinələr nəticəsində xroniki venoz çatışmazlıq aşkar edilib.

Bu pozuntu yaşlı insanlar arasında geniş yayılıb və təhlükəli sayılmır. Levit bildirib ki, Tramp son həftələrdə ayaqlarının aşağı hissəsində şişkinlik hiss edib. Əllərindəki kiçik göyərmələr isə tez-tez salamlaşma və aspirin qəbulu səbəbilə baş verib.

Dərin ven trombozu, arterial çatışmazlıq, ürək və böyrək xəstəliklərinə dair heç bir əlamət tapılmayıb.

Ulusum.az