Tramp Bessenti FED rəhbərliyinə namizəd görmür

ABŞ Prezidenti Donald Tramp, maliyyə naziri Skott Bessentin fəaliyyətindən razı qaldığını bildirərək, onu Federal Ehtiyat Sisteminin (FED) növbəti rəhbəri vəzifəsinə namizəd kimi görmədiyini açıqlayıb. Bu barədə Fox News telekanalı məlumat yayıb.

Jurnalistlərin Bessentin FED rəhbərliyinə gətirilib-gətirilməyəcəyi ilə bağlı sualını cavablandıran Tramp, onun hazırkı vəzifəsində yaxşı işlədiyini vurğulayıb və buna görə də belə bir keçidin ehtimalının az olduğunu qeyd edib.

Xatırladaq ki, Tramp hazırda FED sədri olan Cerom Pauellin fəaliyyətini tez-tez tənqid edir. Lakin buna baxmayaraq, Bessentin öz postunda qalması daha real görünür.

Ulusum.az